Optik Linzalar

Kontakt linzalar görmə keyfiyyətini artıran, optik linzalar, estetik və müalicə məqsədli istifadə edilən protezlərdir. Linza gün ərzində gözün xüsusi və dəyərli toxumaları ilə təmasda olur. Bu təmas özü ilə bir çox mənfi cəhətlər gətirə bilər.

İnsan bədəni özünü yad cisimlərdən qoruyan sistemlə əhatə olunub. Kontakt linzalar həkim məsləhəti ilə istifadə edilməzsə, yad cisim kimi qəbul edilib, allergik təsir yarada bilər. Uyğun olmayan linzanın uyğun olmayan şəraitdə istifadəsi infeksiya riski yaradır.

Gözə ən uyğun kontakt linzanı seçmək üçün həkim müayinəsinə getmək lazımdır.
Linzanın gözdə duruşu, hərəkəti kimi texniki nəzarət aparılır. Taxma, çıxarma, təmizləmə ilə bağlı məlumat verildikdən sonra resept yazılır.

Kontakt linzanın içi kornea təbəqəsinin yamacı ilə uyğun olmalıdır. Hər materialda oksigen keçirməsi, su tutumu, üst kirlənməsi fərqliliklər göstərir. Oksigen keçirməyən və uyğun olmayan linzalar gözün qoruyucu sistemini məhv edir

Hazırda gənclər rəngli linzaları çox asanlıqla əldə edib həkim məsləhəti olmadan istifadə edir. Bu linzalar ayda bir dəfə dəyişdirilməli olduğu halda, 6 ay, hətta 1 il istifadə edilir.

Linzaya toxunmadan əvvəl əllərin diqqətlə yuyulması, linza qablarının hər gün sabunlu suyla yuyulub açıq havada qurudulması və ayda bir dəfə yenilənməsi lazımdır.
Linza ilə hovuza, saunaya, duşa girilməsi infeksiya yarada bilər.

İstifadəçilərin heç bir şikayəti olmasa da belə hər 6 aydan bir həkimə müraciət edilməlidir.

Zamanla gözyaşına aid bəzi maddə və tozların toplanması nəticəsində linzanın üst təbəqəsində bir təbəqə yaranır, su nisbəti dəyişir, oksigen keçiriciliyi azalır. Linza ayda bir dəfə dəyişdirilməsə, uzun müddət istifadə edilsə, infeksiya və allerigaya səbəb olur.

Gündüz gözlər açıqkən kornea təbəqəsi ehtiyacı olan oksigeni havadan ala bilir. Yuxuda gözlər qapalıykən oksigen təzyiqi düşür. Gecə yatarkən gözlər qapalı olduğundan linza, oksigen kornea arasında mexanik bir əngəl yaradır. Gözə oksigen çatmasını əngəlləyə bilər. Gecələr yatarkən linzanı çıxarın.

    Bir cavab yazın

    Kateqoriyalar